Ukiuni tulliuttuni 24-ni inuit ikiliartussapput utoqqasaajunerulissallutillu
Ukiuni 24-ni tulliuttuni innuttaasut ikiliartornissaat ilimanarpoq. Maanna inuit 55.847-iupput ukiut 24-t qaangiuppata naatsorsuutigineqarpoq 52-53.000-iunissaat.
Kalaallit Nunaanni kinguaassiornerit toqusarnerit, nunasinerit nuuttarnerillu tungaasigut ilimaginngisamik allanngortoqariataanngippat 2040-mi ullumikkumiit 3.000-nik ikinnerusut najugaqarnissaat naatsorsuutigineqarpoq. Innuttaasut agguaqatigiissillugu ukiui ullumikkut 35,4-iuvoq naatsoruutigineqarporlu 2040-mi 38,1-imut qaffassimanissaa. Taamalilluni Kalaallit Nunaanni innuttaasut Danmarkimi innuttaasunut naleqqiullugit ukiukinnerussapput, Danmarkimi innuttaasut agguaqatigiissillugu maanna ukiui 41,1-iupput.
Takussutissiaq 1. 1986-imiit 2040-mut innuttaasut ukioqqortussutsinut immikkoortillugit
Malugiuk: Kisitsisaataasivimmik kisitsisit takukkit (http://bank.stat.gl/benprog )
Inuit amerlassusissaasa naatsorsorneqarfianni (2016-2040) utoqqaat (70+) marloriaatingajammik amerlisimanissaat naatsorsuutigineqarpoq.
Innuttaasut sulisinnaasutut ukioqassutsimikkut inissisimasut ikileriarnissaat naatsorsuutigineqarpoq taamaakkaluartorli sulisinnaasut innuttaasut affaasa missigissagaat naatsorsuutigineqarpoq.
Innuttaasut qanoq amerlatiginissaannik naatsorsuinikkut angusat pingaarnerit, Kalaallit Nunaanni Naatsorsueqqissaartarfiup 2040-p tungaanut Kalaallit Nunaanni innuttaasut amerlassusissaat pillugit naatsorsugai, 1. januaari 2016-imi innuttaasunut naatsorsuutit naammassisat tunngavigalugit taama isikkoqarput..
Suiaassusermut, ukioqqortussutsit tamakkerlugit inunngorfinnullu naatsorsuutit sukumiisumik inerneri Kisitsisaataasivitsinni http://bank.stat.gl/benprog qimerloorneqarsinnaapput.